DILI - Ministeriu Ekonomi e Dezemvolmentu (MED) nia planu, Orsamentu Jeral do Estadu (OJE) 2012 utiliza ba prioridade liu atu harii Banku Nasional Investementu hodi tulun ba setor pribadu hodi investe sira nia modal capital atu bele dezemvolve ekonomi rai laran .
Ministru Ekonomia no Dezenvolvimentu, Joao Mendes Goncalves hatete OJE 2012 apresenta ona iha gabinete ministru hamutuk $17.252 Miloens dolar amerikano hanesan pakote Despensa rekorente $8. 248 dolar Amerikano, pakote capital dezemvolventu $9.8 Miloens dolar amerikano. Nia hatete katak, transparensia publika mos nia hatama proposta osan total $ 11, 384 dolar Amerikano. Maibe orsamentu $11,384 hodi harii banku porzemplo 5 miloens tau iha BNCTL, hodi loke suku sais iha distritu hotu. Tanba loke uluk iha distritu sanulu resin ida hela distritu rua hanesan Liquisa no Manatuto. Maibe 7 miloens tau capital social iha banku nasional investementu, hodi fo kredit ba povu ki’ik halao aktividade negosiu, nomos orsan $ 384 hodi loke unidade banka mobile iha distritu hotu.
Ho orsamentu Jeral tinan ne’e prioridade harii banku hodi rehabilitasaun uma banku Nasional investementu hodi ajuda emprejariu hodi investe modal capital. MED persija osan boot hodi hadia banku nasional investementu, persija rai iha banku hodi bele fo inpresta ba setor pribadu hakarak inpresta.
Iha parte seluk Vise MED Cristiano da Costa mos hatete katak, MED orsamentu ano fiscal 2012 hari’i banku Nasional investe hodi bele fo tulun ba setor pribadu hodi investe modal saham. Governu tau orsamentu BNCTL hodi fo kredit ba povu ki’ik hodi aktividade bisnis. Nomos loke centru formasaun iha distritu hodi ajuda negosiate kapasita sira utiliza orsan ne’ebe kredit husi banku Nasional komersial timor leste bele halao negosiu diak tanba dirasaun instituto de apoiu emprejarial (IADE) fo formasaun ba emprejariu kona gestaun ,hodi maneja orsan diak bele negosiate hetan lukru. jef
STL - 14 Setembru 2011
Sem comentários:
Enviar um comentário